Mixed Saison 2021/2022

Bisher hät üs nummä äs schals Bier, wo ohni Zitroneschnitz gar nöd chasch trinke, chönnä stoppä – Corona. Well zwei Saison abbroche worde sind, händ mir us reinem Goodwill (!) üs i dere Saison vo dä spendable Siitä zeiget und genau zwei symbolischi Sätz i dä Meisterschaft abgäh. Domit händ mir üs allerdings bis zum letschte Spiel Zyt lo, well’s Bier jo nomol hetti chönnä zuäschlo.Do ä Mixed-Schaft bekanntlich nöd nur us Männer dörf bestoh, händ mir üsi liäbä aber wenigä Spielerinne uf Chüssi treit! Leider sind dänn doch einzelni verletzigsbedingt usgfallä... Aber zum Glück händ mir d’Moni, Laura, Pascale, Kathi und Simone (hoffe han niemed vergässe) vo dä Damä-Schaftä chönne gratis uslehne  -  (gratis well unbezahlbar).Mir händ näbä Abgäng au Zuägäng gha. So isch d’Ariane ushilfswis no zue öis gstossä. Ei noii Frau hät sich dänn aber als Mogelpackig usägstellt: Andrea… Hmmmm,… viellicht isch au min Vornamä dä wahri Grund weshalb ich überhaupt i dere Mannschaft ufgno worde bin?Uf alli Fäll froied mir üs jetzt scho uf ä guäti Saisonvorbereitig mit dä wieder gnesene Spielerinne, dä definitive Verstärkig vo dä Laura, viel Brot und Späck und froied ois uf ä cooli Saison im Niveau C ohni däm Zitrone-Bier und ohni Satzverlust…